ابراهيم القصاص : اليكم حكاية ر. م. ع .اللي حاسب روحو إلاه !!

ابراهيم القصاص
ابراهيم القصاص 
كتب: ابراهيم القصاص:
نعرف رئيس مدير عام لشركة عمومية يسخايل روحه إلاه ضربة واحد يا ولدي تنجم تدخل للكرملين وهو ما تنجمش تقابله البيام والشيفور إمتاع الدولة والشعب والفيلا زادة سبحان الله ما شفتش واحد جاب سيرته بكلمة باهية كان التفييش والتهييب والنفخة والتكبر يسخايلها دايمة عاد شفته هالنهارين بعد ما طلع تقاعد ورجع الكرهبة وخرج من الفيلا وتنح البريستيج، قاعد في قهوة وحده زي الكلب قلت سبحان مغير الأحوال من حال إلى حال شافني حب يسلم زعمة زعمة يعرفني وتفضل اشرب معايا قهوة وكذا خزرتله على شق وطفيته جملة من غير ما نقول حتى كلمة قلت في خاطري علاش العبد يعمل في روحه هكة يمكن يموت وما يلقاش حتى اشكون يمشي وراء جنازته. أكهو وفات الحكاية...

التعليقات

أحدث أقدم