شاب تونسي يروي تفاصيل مرعبة بعد تعرّضه لمحاولة إختطاف من قبل سيارة تاكسي بجهة البحيرة

شاب تونسي يروي تفاصيل مرعبة بعد تعرّضه لمحاولة إختطاف من قبل سيارة تاكسي بجهة البحيرة

 شر شاب تونسي يبلغ من العمر 20 سنة تدوينة على الفايسبوك يحذّر فيها المواطنين ويروي تفاصيل تعرّضه لمحاولة اختطاف من قبل سائق سيارة تاكسي ركب معه من جهة المرسى نحو أريانة فحاول تحويل وجهته نحو عمارة بجهة البحيرة .

وهذا نص التدوينة :

أنا طفل عمري 20 سنة خرجت من الخدمة باش ناخو تاكسي من المرسى باش نروّح مع 7 متع اللّيل لأريانة وقّفت تاكسي قتلو أريانة مشى شوي قلي أمان باش نتعدّى للاك عندي أختي لاهيتلي بولدي باش نهزلها حليب و ماء وأنا باش نروّح شيرت أريانة و couvre feu 8 معادش انجّم نرجع

راني مستغرب شوي قلّي راهي لحظة من قدّام الباب نحطلها القضية و نوصلك قتلو باهي هز تليفون كلّم اشكون قلها هاني جبتلك القضية كي نعملك appel اهبط هزها و سبحان اللّه قلبي ما قايلّي خير و تاكسيستي هذا ترى كيف دخل بعضو المفيد اتعدّى للـ لاك دخل للنهج مش عارفو وقف قدّام بركينڨ متع عمارة إلّي كيف في تصويرة (صورة توضيحيّة) جبد الكوموند متع الباب و بدا يتحل الباب وهو دخل قتلو يا معلّم وين داخل قلّي ما تخافش وشدني من يدي  حليت الباب و هربت.

باهي يقول القايل تو علاش دخل بيا غادي ؟؟؟؟؟ فما باب متع عمارة الرئيسي مش باب متع بركينڨ عمارة إلّي هو موحشة البلاصة هكي وزيد حتى الريزو متع تليفون ما يخدمش فيها على ما أظن.