 |
| لبنى السديري - lobna sdiri instagram |
تدخلت الممثلة السديري في برنامج STAR TIME على إذاعة إي أف أم وتحدثت عن الوضع
الصحي بولاية جندوبة وهذه أهم تصريحاتها :
-توا غاطسة في الدار مع الوضع هذا الصعيب، وبرشا عباد متنجمش تلقح بالفلوس وأنا ضد والدولة قادرة تجيب التلقيح ومسؤوليتها هذي.
-أنا قيدت بابا باش يلقح في غار الدماو صعبوها وحطوه في طبرقة وهو كي سمع ماحبش بعثتلهم يبدلوه حتى في جندوبة لتوا ماجوبونيش
-وحتى ماما مقيدتها بعثولي السبعة متاع الصباح باش نهزها تلقح التسعة متاع الصباح وأنا وقتها في تونس كيفاش نمشي لغار الدماو
-أحنا في غار الدماو انتشرت العدوى بصفة غريبة وفما موتى وماعندناش test rapide في الصيدليات وحتى إلي يشك في روحو مريض يمشي في اللواج لجندوبة باش يعمل تحليل ويزيد يعدي لعباد
-أنا فقدت الأمل في الدولة و نحب لعباد إلي لباس عليهم في جندوبة يوقفو لجندوبة ونعرف فما عباد ماتت في الريف مايعرفوش حتى المرض شنوة
-لازمنا نوقفو مع بعضنا وكان كل واحد لاباس عليه يعاون إلي دايرين بيه وجيرانو توا نوليو لاباس وكان باش نعملو على الدولة موش باش تقوملنا قيامة
على الأقل وفرولنا التحاليل السريعة في الصيدليات نشروهم بفلوسنا
الفيديو :
إرسال تعليق