 |
| أنيس السحباني جعفر القاسمي |
anis sahbani journaliste jaafer guesmi
أثار الممثل والإعلامي جعفر القاسمي موجة من الإنتقادات اليوم الخميس 28 أفريل 2022، وذلك بعد نشره لمقطع فيديو يردّ فيه على منتقدي أسعار الملابس الخاصة بعلامته التجارية "Djaaf" والذين اعتبروا أن الأسعار مرتفعة ليس كما صرح به في وقت سابق وليست في متناول الجميع.
وقال جعفر في الفيديو :"الملابس متاعنا قاعدة تتصنع في معامل بنفس الجودة متاع الماركات العالمية وبأيادي تونسية.. ويجيني أنا واحد يقلي مريول ب64 دينار، يا ولدي موش ليك انت المريول هذاكا راني حالل في اللاك والمستوى متاع الناس الي باش تشري نعرفهم شكون وعامل معطى وربي يجيبنا في الصواب..".
وتعليقا على ذلك نشر الصحفي أنيس السحباني مقطعا من تصريح جعفر وعلّق :"تو عرضني اك دجاف عامل فيديو ويعوج في فمو ويسب في الناس الي قالو على مراولو غالين..
وقالنا راني حالل في الاك يعني للناس لباس عليهم.. قريب يقلنا متجيونيش يافقراء.. أولا معادش تعوج فمك علينا.. ثانيا اللهم اني فاطر".
وأضاف السحباني :"تو زعمة حبيناك وشجعناك وقت بديت أما بالفيديو هذا منجم نقلك كان... انت ومراولك ودجاف.. تسب فينا وليت خاطر عطينا راينا في المراول غالية وقريب تورينا منين نمشيولها اللاك
ياربي كل منقرر نولي رايض ومندور بحد هاك ترا ياربي".
الفيديو :
إرسال تعليق