بية الزردي تردّ على سوسن معالج :"ماكش خير من الممثلين متاع توا.. يزي من التفشفيش الفارغ" ! (فيديو)

بية الزردي تردّ على سوسن معالج

 

baya zardi sawsen maalej
بية الزردي تردّ على سوسن معالج



خلال استضافتها في برنامج لاباس شو على قناة التاسعة، قالت الممثلة سوسن معالج أن الدراما التونسية تغيرت بعد مسلسل بين الثنايا :"بين الثنايا كان نهاية فترة حلوة في الدراما التلفزية ، أنا بيدي وقتها مازلت كيف ولدت وغبت ورجعت حسيت الدنيا تبدلت عليا وبعد فهمت إلي كان هو نهاية فترة وبداية فترة أخرى.. وقتها بدات تبرك تونس وإلي خلطنالو في 2011 بدى من غادي".


وتعليقا على ذلك نشرت الكرونيكوز بية الزردي تدوينة على حسابها الخاص تهاجم فيها سوسن معالج معتبرة أن الدراما الخالية أفضل بكثير من ناحية الممثلين والمخرجين 

وهذا نص التدوينة :" ياخي بلحق أحنا قبل خير؟ بالحق الدراما كانت خير؟ والله شككتوني في روحي ياخي قبل كنا عايشين معاكم وإلا وين كنا؟ فما حاجة أكهو كانت قبل باهية برشا والي هي بركت تونس موش مسلسل مكتوب.. 


قبل ما كان حتى راجل يتجرأ يكتب ويلحن ويسمع الناس غناية إباحية لسانه يتقص من أقرب الناس ليه.. توا بالصوت والصورة وتشكي بيه يخرجولك رجال يسبوك ويهددوك والبقية يعملو رواحهم ما فيبالهمش. إلي عامل فيها شجاع ويقول كلمته موش وقت الي يقول N'importe quoi ويهز ويسبط .. 


قبل كنا نحاول ولتوا مازلنا نحاول.. قبل مصر وسوريا طاروا بينا واليوم قريب يزفر علينا وأخنا مازلنا نبكيو على الأطلال .. ما كنتوش خير من الممثلين متاع توا وإلا خير من المخرجين متاع توا .. يزيو من التفشفيش الفارغ".



الفيديو :

التعليقات

أحدث أقدم