كادوريم يرد بقوة ويكشف :"رونالدينيو ماهوش أنستاغرامور باش يهبط كل شي.. وهاذم اشباه الاعلاميين الي يعطلو ويشوهو" ! (فيديو)

كادوريم رونالدينيو
كادوريم رونالدينيو

k2rhym ronaldinho
كادوريم رونالدينيو 


في تدوينة مطولة لرجل الأعمال كادوريم ردّ من خلالها، على الزيارة الأولى لنجم كرة القدم رونالدينيو، قال فيها بأن البعض يتحدث عنه بأنه إصطحب رونالدينيو لتونس، بهدف الدعاية لشخصه وهذا غير صحيح. بما أنه اتصل بجميع الوزارات لكن دون جدوى، وهاته الزيارة لن تكلّف الدولة حتى مليم، فقط أرادها وفريقه أن تكون حملة ترويجية رسمية مثل باقي الدول.


وفي تعليق كادوريم حول إنتقادات التونسيين من جمهور وصحفيين وغيرهم، بخصوص عدم نشر البرازيلي ولا صورة أو فيديو عبر مواقع التواصل، بما أن هذا يدخل من باب الترويج والدعاية لتونس.
قال، بأن رونالدينيو ليس بمؤثر على أنستاغرام حتى يصور كل لحظة من زيارته وينزلها عبر حساباته، وهذا ما جاء




 في تدوينته :
"شكرا للأسطورة رونالدينهو على الكلمات المعبرة والجميلة في حق بلادنا تونس اللي تستحق كل خير..
وهذي اجابة بسيطة لبعض الاشخاص اللي ما يفلتو حتى فرصة لمحاولة التقزيم ولا التشويه..




قالو اولا انو انا جبت رونالدينهو باش نخدم روحي نقلهم راو اتصلنا بكل الوزارات مالشؤون الدينية للسياحة للرياضة و رغم اللي موش باش تتكلف على نفقة الدولة حتى مليم وحبيناها تكون حملة ترويجية رسمية كيما قاعدين برشا دول يعملو توا وانا مانظهرش في الصورة وزارة السياحة عطاتنا موعد وقبل لحظات مالموعد عملولو الغاء الله واعلم علاش وبقية الوزارات بدون اي تجاوب..



قالو ثانيا رونالدينهو ماهبط حتى حاجة على تونس والنهار الاول وهوما يصورو في الكونت متاعو ويعاودو وممكن نعذرهم في النقطة هذي خاطر تعاملهم مع النجوم ياقف حدو حد التلفزة ميسالش نفهموكم رونالدينهو راو نجم عالمي موش انستغرامور او مؤثر باش يصور كل بلاصة يزورها عندو استراتيجيا اعلامية احنا مشاركين فيها في الزيارة هذي باش نختارو احسن التصاور والفيديو الترويجي يكون في مستوى الحدث وهذا تقنيا يستحق شوية وقت باش نخرجو حاجة تليق ببلادنا..




والله شي يأسفني انو نلقا روحي مجبور باش نجاوب الناس هاذم اللي فيهم اعلاميين ويخدمو في قنوات تونسية واجنبية وفي بلاصة مايساهمو معانا في ترويج صورة تونس يعطلو ويشوهو في بلادهم في نفس الوقت تلقاهم يشكرو ويمجدو في الدول اللي يخدمو فيهم ومن غير ماتفسخو اللي كتبتوه خاطر الناس عرفوكم وحفظو الطرق متاعكم..




على كل شكرا لكل من ساهم في انجاح هذي الزيارة وشكر خاص للامن اللي وراو انو تونس دولة امنة وترحب بكل ضيوفها الكرام

الحملة الترويجية #visittunisia على وسائل التواصل بدات اليوم ومازالت متواصلة".



الفيديو :

التعليقات

أحدث أقدم