 |
| منير بن صالحة أنس جابر لابسها جن |
mounir ben salha ons jabeur wimbledon 2022
منير بن صالحة يثير الجدل:"أنس جابر لابسها جن
أعرب المحامي منير بن صالحة عن إنبهاره ببطلة الانس التونسية أنس جابر عبر تدوينة غريبة نشرها على حسابه الخاص مساء أمس السبت 2 جويلية 2022،
وهذا ما جاء فيها :
"توة نحب نفهم حاجة الشعوب المتقدمة يعني العالم الأول الي هوما امريكيا فرنسا اليابان المانيا هولندا استراليا الخ .. الخ.. رياضة التنس عندهم في دمهم ملي صغار يلعبو في التنس في الحومة والمدرسة و في ديارهم و الحدائق العمومية و بلاش و الدول متاعهم تشجع و الامكانيات الكل متوفرة و في لخر تجي انس جابر من” قصر هلال” و تغلب الناس الكل و تولي الثانية في العالم كيفاش صار هذا الكل …
المرا هذي غير عادية و انا أرجح انو معاها الناس لخرى يعني لابسها جن
يحبها و يموت عليها و يمهمش في المنافسين متاعها و الا يدوّر في مسار الكرة بما له من قوة روحانية .
و هذا طبعا ما فيه حتى استنقاص من كفائتها و انجازها و جديتها لكن لا بد من البحث في الأمور الميتافيزيقية ونتبعو أنس جابر و نتابعو تحركاتها و نشوفوها بعد الماتشوات وين تمشي يطلعشي عندها “عراف” و الا "وقاعة" في "بوحجلة" و الا في "الوسلاتية" ركحولها جوها مع الناس لخرين.
و هذي طبعا تدوينة متع نهار سبت و خالية من الجدية.
الفيديو :
إرسال تعليق