 |
| مايا القصوري |
كتبت مايا القصوري: ” جيمي أندرسون أو Mr Beast أغنى يوتيوبر حتى الان بمداخيل تفوت 45 مليون دولار لسنة 2022 اكهو، 104 مليون مشترك عاليوتيوب ، 20 مليون على انستغرام و 15 مليون على تويتر يعني دولة بحد ذاتو…
شهرتو و ثورتو بناهم بالسير عكس السرب،يعمل اي حاجة و أي تحدي غريب يجيبلو اكثر متابعين كيف انو يهدي 10 الاف دولار لكل المتشردين الي يعرضوه، يبيع دار تسوى مليون دولار بدولار اكهو، يهدي جزيرة للمتابع رقم 100 مليون ..و شاشية هذا على راس هذا، فلوس اليوتيوب الي بالملاين و les sponsors يغطيو كل مصاريفو و يفضّلولو…
أغلب les influenceurs استثمروا في ميادينهم موضة و الا غايمينغ و الا بورصة…جيمي اندرسون مشى عكسهم تماما، لكونسابت جديد ضهر مع الكورونا : ال Cloud kitchen او المطبخ السحابي ، و هو مفهوم استنبطوه اصحاب المطاعم لحماية رواحهم و ارزاقهم من جائحة الكورونا، بحيث عملو الكونسابت هذا كمطعم لا وجود له فعليا، لا محل لا تيندا لا باتيندا لا طواول لا سارفورات، جوست يخدموا livraison مالدار و الا مالقاراج …
و انت و سمعتك مع الحرفاء خاطر كل شي واقف عالتقييم و مراجعات الحرفاء…
الكونسابت نجح مع نجاح خدمات التوصيل الي تضاعفت اعمالها عشرات المرات و نقص احتكاك الناس ببعضهم و برزت برشا ماركات جديدة مالعدم في منافسة ماركات عالمية شهيرة..
خونا الMrBeast مشى غادي بالضبط، تعامل مع المطاعم السحابية الاكثر تقييما كمنصات انتاج و ربطهم مع جمهورو الي يقدر بعشرات الملاين بابليكاسيون تعمد انو يعطلها النهار الأول للونصمون كدليل عالاقبال الرهيب عليها…و بدا هو يعمل الmenu و الاسوام و بالأخص العروض الغريبة متاعو، كيف تاخو برجر نعكيك واحد اخر بلاش…كل شراءات الحلوى بلاش ليوم…تعدي زوز كومندات الثالثة بلاش و غيرهم مالعروض…
و توقعات انو نفس اللعبة متاعو الي يلعبها في اليوتيوب بش تعطيه ارباح خيالية في الrestauration بما انو يطبق في نفس القاعدة، اكثر عروض = اكثر جمهور = أكثر مبيعات = أكثر فلوس…
فهمتوش علاش مهم جدا نبداو نقريو للصغار مالليسيات الcreation d’entreprise و نعطيوهم فكرة على كيفية التخمام خارج صندوق الوظيفة و الدار لفوق تحتها زوز قاراجات و خيط حرقة مضمون ؟
إرسال تعليق