 |
| إبنة الراحلة منيرة حمدي |
نشرت إيمان ابنة الفنانة الراحلة منيرة حمدي تدوينة على حسابهة الخاص خرجت فيها عن صمتها إثر الجدل الذي أحدثته وفاة الفنانة فايزة المحرصي، وتحدثت إيمان بحرقة عن العلاقة التي كانت تجمع بين الفقيدتين،
وقالت :"انا من يوم توفات المرحومة فايزة الغالية و انا يعلم ربي بالنفسية اللي دخلت فيها.. فايزة انا نحبها برشة برشة و كانت من اقرب و اعز اصدقاء ماما يرحمها و عندنا برشة ذكريات حلوة تجمعنا معاها منذ الطفولة والناس الكل تعرف هذا… و انا نعتبرها توه في مقام الوالدة الله يرحمها..
و اللي قال كلمة في حقها راني مانيش بش نسكتله.. ياخي علاش ما تحترموش البشر لا حي و لا ميت؟؟؟ ما يسلمش منكم و من شركم يا رسول الله!!!! باقي تكذبو عالموتى و ما تعتبروش زايد !!! انا سكتت قبل بكيفي كيف كذبتو في برشة حاجات على أمي يرحمها .. (ولا فايدة بش نرجعو بالتوالي ) ".
وأضافت :"
اما توه تكذبو على المرأة و تتكلمو كيما يظهرلكم خاطر فيبالكم ما عندهاش اولاد ياقفولها؟؟؟ لا مالا غالطين برشة..
فايزة الله يرحمها خلات بنيّة و اسمها ايمان (اللي هي انا) مازال واحد يخرج يتكلم على فايزة و يقول عملت و عملت راني بش نتكلم حتى انا و نكشف المستور!!! فايزة اليوم اللي يحبها بالحق و لا حاسس عليها .. يصدق عليها و يدعيلها بالرحمة فقط ! المزايدات خبيوهم ميسالش لأرواحكم !!! و برنامج "الرشيق" هذا عطى و هذا ما عطاش راهو عيييب كبير و حرام ! و قلة تربية و اصل ! عبد بين يدين مولاه و انتوما تلقطو!!!
فمه ربي و راهي الموت ما تشاورش و اتقيو مولاكم و نقصو مالكذب و كشفان الحال على خلق ربي… رانا شادين الصف لرحمة ربي و الكلنا ماشين و بش نقابلو وجه ربي غير هي اعمار بيد الله
يا ويلكم من ربي و مني.. و من انذر فقد اعذر
و الله يرحمك فايزة و يرحم ماما الغالية في جنة الخلد ان شاءالله".
الفيديو :
إرسال تعليق