ألفة يوسف تكشف: كنت مديرة معهد وتلميذ كتبلنا "يعطيكم كذا".. عملنا مجلس تأديب وقلنالو لشكون عطيتها "ها الكذا" (فيديو)

ألفة يوسف تكشف: كنت مديرة معهد وتلميذ كتبلنا "يعطيكم كذا".. عملنا مجلس تأديب وقلنالو لشكون عطيتها "ها الكذا" (فيديو)

ألفة يوسف

 

olfa youssef facebook


كتبت الاستاذة ألفة يوسف توازيا مع طرد التلميذة نور عمار من المعهد النموذجي للفنون بالعمران وذلك عقب نشرها لمقطع فيديو تنتقد فيه الممثل و الأستاذ بالمعهد مهذب الرميلي، تدوينة تحدثت فيها عن حادثة مماثلة حصلت معها عندما كانت مديرة بأحد معاهد التعليم العالي، 

وقالت ألفة :" “ها كالعام، وقت اللي كنت مديرة معهد تعليم عال، ثمة وليد كتب على صفحة المعهد: يعطيكم كذا…
عملنا له مجلس تأديب شكلي (ما قلناش للجامعة)، وجاء الوليد خايف وأنا شادة ضحكتي…



قال لي موش أنا اللي كتبت…قلت له، وعلاش تكذب، انت كتبت، وعبرت أما أحنا استدعيناك باش نطرحو عليك سؤال واضح


-ها كال”الكذا” عطيتها لشكون؟ للمديرة؟ لأعوان الإدارة؟ للأساتذة؟ لزملائك؟ نحبك توضح لي آكهو باش نفهمو المقصود من كلامك…
دخل الطفل بعضه، لا عرفني نفدلك لا نحكي بجدي…
قلنا له، يعيش ولدي، السبان ساهل، نجمو حتى أحنا نسبوك والا نعاقبوك…اما هات نحاولو مع بعضنا نفهمو اشنو اللي خلاك تكتب هكة…


وحكى الوليد…فرّغ قلبه، وحاولنا نصلحو اللي يتصلح (موش حاجة كبيرة الحقيقة)…
وكمل هاكالوليد قرايته، وهو تو ناجح في خدمته…
العملية بسيطة، اذا تحب تفهم ما تحكمش، اسمع…
وحل قلبك…راهم أولادنا وبناتنا…".


الفيديو :

Post a Comment

أحدث أقدم
close