بالفيديو.. حمة الهمامي : لازم نطيحو قيس سعيد و حكومته و نعملو ثورة منظمة وأحنا مع كل الاحتجاجات في الليل ولا في النهار !

بالفيديو.. حمة الهمامي : لازم نطيحو قيس سعيد و حكومته و نعملو ثورة منظمة وأحنا مع كل الاحتجاجات في الليل ولا في النهار !

hamma hammami kais-saied-حمة-الهمامي-يهاجم-قيس سعيد
حمة الهمامي يهاجم قيس سعيد 

 

hamma hammami kais saied

حمة الهمامي يهاجم قيس سعيد 


أكد أمين عام حزب العمال حمة الهمامي اليوم الخميس 27 أكتوبر 2022، خلال حضوره في برنامج في 90 دقيقة على إي أف أم، أن حزبه يساند كافة الاحتجاجات المتعلقة بالحقوق سواء كانت في الليل أو في النهار.


وقال الهمامي:" أحنا كل احتجاج عالحقوق في الليل ولا في النهار ولا في الصباح ولا في العشية أحنا معاه راهو... أما هاو بش نقلك حاجة، السياسة هاذيا متاع النعامة، تلقاها ناس عايشة أوضاع خايبة برشا كيما عايشينها توة، حوالي مليون بطال، 4 ملاين فقير، غلاء معيشة،




فقدان مواد أساسية، خدمات متاع صحة لا يوريك، نهارين نقرا الندوة الصحفية عنا قرابة مليون تلميذ يا إما ما عندوش معلم خلاص وإلا ناقص أستاذ ولا زوز، الأمية رجعت آش و20 في الميا ياخي هاذيا ما تخلقش احتجاجات، 




عندك المعاملة المهينة للمواطن التونسي الجريمة اللي صارت في جرجيس الحرقة اللي قاعدة صايرة، أي تحب الناس ما تحتجش وينك قيس سعيد، طبيعي جدا، آخي انسان كي يجوع ويمرض وكي ما عادش عندو وين يتلفت مش يحتج خير، أما الغنياة هاذيا متاع وراها جماعة مش جديدة، بورقيبة أش كان يقول شرذمة ضالة، 



بن علي كان يقول الخونة والمتطرفين والنهضة آش كانت تقول الجماعة اللي يحطو في العصا في العجلة وقيس سعيد تاو الجماعة اش يقولو، 



جماعة مخطرين ومؤامرات أجنبية تي هاك انت متآمر عالشعب التونسي، توة سامحني توة ماهو بش يرفعو الدعم، ياخي انت ترفع الدعم في وقت الأسعار نار، حل هو؟، فما خبير سمعتو هالنهارين في وسيلة إعلامية،



على فرض أنو رفعو الدعم جملة على المواد الأساسية الباقات بش تولي من 190 لـ456، الخبرة بش تولي من 230 لـ760، الفارينة بش تولي من 570 لـ1400، العجين بش يولي من 800 لـ3400، الكسكسي من 800 لـ3400، الايسونس بش يغلا مع تجميد الأجور".

 
الفيديو

Post a Comment

أحدث أقدم
close