يُقدّم فنان الراب التونسي مروان “نوردو” عرض “نوردو شو” يوم الغد الثلاثاء 26 جويلية القادم ضمن فعاليات النسخة الـ57 من مهرجان قرطاج الدولي، التي تنتظم من 14 جويلية إلى 19 أوت.
وفي ذات السياق نشر الاعلامي محمد الخماسي تدوينة على حسابه الخاص يهنئ فيها نوردو على نجاحه وجاء فيها :"رسالة الى صديقي مروان الجبالي (نوردو ) ..
صديقي العزيز ،
غدوة هو نهارك و النهار الي تستنى فيه و حلمت بيه سنين .. غدوة الموعد مع جمهورك في قرطاج و ان شاء الله جمهورك موش بش يخيبك و ربي بش يعطيك قد قلبك ..
بش نذكرك في حاجة بسيطة ، يمكن غابت عليك ..
في اول لقاء بيناتنا في كواليس الإذاعة حكينا و قتلي عندي غناية ان شاء لله بش تكسر الدنيا ..
عربوش و كسرت الدنيا ..
قتلي عندي خدمة كلمات و الحان موش متاع تونس بركا و متاع العالم العربي و ان شاء الله بش نوصل لاكبر الاسامي في العالم العربي ..
و بفضل الله و موهبتك وخدمتك وصلت تعاملت مع الاكابر .. محمد رمضان ، احمد سعد ، هيفاء وهبي ، لقاء مع مروان الخوري و غيرهم ..
اما نتفكر كي قتلي زعمة يجي نهار و تشوفني على قرطاج ؟
قتلي الحلم هو قرطاج موش حلمي بركا ، حلم امي بابا و دارنا و صحابي ،
ليوم قرطاج هو حقيقة و من خلالك رسالة امل لكل الشباب ، الموهبة الخدمة و القلب الباهي يوصلو ..
ولد الحومة الي ما عندو حد غير ربي و موهبتو ينجم يوصل .. ربي يوفقك خويا و ان شاء الله غدوة كيما العادة و العوايد قرطاج يحتفل بنجم تونسي عربي جديد..
اسمه نوردو
التوفيق من الله
بكل حب صديقك محمد الخماسي".
الفيديو :