كشف الفنان التونسي رؤوف ماهر خلال تدوينة شاركها عبر صفحته الشخصية فايسبوك عن تبرّعه بمبلغ من مداخيل حفلاته إلى أهالي الجنوب و بالتحديد ولاية مدنين مسقط رأسه أين ستكون المداخيل موجّهة لفائدة المستشفى الذي يفتقر لأبسط المعدات ردا منه لعرفان أهل المنطقة الذين كانوا سندا له، مشيرا إلى أنه ابن تونس و هذا أقل واجب يقوم به تجاه وطنه.
و جاء في نص التدوينة :"السلام عليكم اهلي الكل من جنوبها الى وسطها لشمالها الكل اليوم باش نحكيلكم و نحبكم تفرحوا معايا و تسمعوني و تفهموني باش نحكي على اهلي في مدنين نحب نوضحلكم حاجة..
انا اليوم كي روحت لمدنين استقبلوني بالدموع و حكولي الي القهاوي الكل و الناس الكل في ديارهم يتفرجوا و يتبعوا فيا لحظة بلحظة الي يبكي من الفرحة والي و الي ووو معاش باش نحكي على الي جوني و و و و انا اليوم يا توانسة نحكي على مدينتي مدنين الي تربيت فيها وكبرتني و علمتني حب الوطن انا ما نجمش ناااخذ منها فلوس نعطيها دمي موش نهز منها".
وأضاف :"ولكن نحب نوجه كلامي هذا الي السيد رئيس الجمهورية و الى السيدة وزيرة الثقافة انا اليوم العرض متاعي في مهرجان مدنين الدولي نحب نفرح بيه اهلي كيف ما فرحولي و كي نطلب في مبلغ انتم تعرفوا قداش يتكلف موش انا.. و لكن الي نحب نقولكم الي انا نحب نتبرع بكامل المبلغ و يا ريت لو ادارة المهرجان تزيد تتبرع معنا بكل المداخيل الى المستشقى متاعنا هككة انا انرجع و لو القليل لهذا الوكر الجميل..
و انا ولد تونس الكل بحول الله لما نكون معاكم الكل والي يحب بلادو عمرو ما يتاجر فيها".
الفيديو :