بالفيديو.. منال عمارة تهاجم الأنستغراموزات :"احشمو ونقصو مالكذب عالناس.. تونس الي في الستوريات مهيش متاعنا"

 

نشرت الفنانة الإستعراضية منال عمارة، مقطع فيديو وتدوينات عبر حسابها الخاص على أنستغرام تنتقد من خلالها الأنستغراموزات وصانعات المحتوى وتدعوهن لتحمّل المسؤولية في التأثير على الأطفال والمراهقين وتطلب منهن مزيد تثمين قيمة العمل.

وقالت منال :"

شنوة هالتبلبيز الي قاعدة نشوف فيه؟ شيء ينطق الcom موش هكا ! موش كل يوم تنقيز من ماركة لماركة وكل شي محلاه وكل شي coup de coeur

أرزنو شوية وإنتوما على sac كادوهات تنقّزو ال événements الكل ! حرقتو وجوهكم وكسّرتو كرايم الناس بكل شي محلاه وكل شي best of the best

حاشى الي ما يستاهلش برشا كذب وقلة إحساس بالمسؤولية.. صغيرات ومراهقين يتبعو فيكم ما يشوفو كان فالévénement ، ماشية لسهرية، قومان مخّر..

ورّيو للناس إلي الخدمة هي الي تجيب، موش نهار لكل من قهوة لقهوة ومن restaurant لسهرية وهذيكا العيشة..

وريو تعب التصوير والتحضير والوقوف .. ورّيو تعب الخدمة كان تحس في روحك تخدم ويزّيو مالكذب عالناس".

مضيفة :"ما تنجمش كل يوم تقول هذا أحسن produit ريتو في حياتي.. موش كل حاجة بوبلاش تتقبل.. موش هذه الدنيا.. سهريات وقهوة وخرجات ولبسة.. تونس الي نشوفو فيها في الستوريات ماهيش تونس متاعنا..

ما تنجمش تكون الحياة وردية من الصباح لليل.. علاش تكذبو عالعباد؟ معادش تبسطو الحاجات.. حاجة ب150 دينار تقلنا بلاش فلوس.. احترم الناس الي تتفرج فيك فما عباد 150 دينار مصروف جمعة كاملة متاع عائلة".

الفيديو :