بالفيديو .. لمين النهدي :"حياتي تبدلت ملّي عرفت سعاد محاسن.. عاونتني برشا وهي سبب نجاحي" - أخبار تونس - بوز نيوز تونس - Buzz News Tunisia | الأخبار من جميع أنحاء العالم | Buzz Tunisia بالفيديو .. لمين النهدي :"حياتي تبدلت ملّي عرفت سعاد محاسن.. عاونتني برشا وهي سبب نجاحي"

بالفيديو .. لمين النهدي :"حياتي تبدلت ملّي عرفت سعاد محاسن.. عاونتني برشا وهي سبب نجاحي"



تحدث الممثل الكوميدي لمين النهدي خلال استضافته في حلقة ليلة الخميس من برنامج Jdt عن حياته الخاصة و علاقته بالفنانة سعاد محاسن وكيف تعرّف عليها لأول مرة، مؤكدا أن سعاد محاسن ساهمت في نجاحه بنسبة 70% ولديها فضل كبير عليه.




وقال النهدي عن بداياته :"كيف تعرفت على سعاد محاسن و جيت لتونس سكنت في السطح انا و سعاد الفنانة القديرة في البساج بحذا نسيبي و بحذا اخت سعاد .. سكنت في السطح على خاطر الظروف كانت على قدها وصعيبة جدا و حتى الشهرية ما عنديش وقتها دوب ما هبطت من الكاف أنا و سعاد مازلت ما دخلتش لفرقة مدينة تونس وقتها سكنا في السطح و حتى جراية ندخلوها لبيت الصابون و نغفسوها باش نجموا نرتاحوا فيها".




وأضاف :"سعاد محاسن بدلت فيا برشا حاجات الفضل الكل يرجع ليها… سعاد انا نسميها المناضلة الى جانب لمين النهدي يعني هي الي دخلتني لفرقة مدينة تونس و ساهمت بنسبة نجاح متاعي قرابة 70% و عندي موهبة في التمثيل كيف نطلع على الركح علاقتي تولي مع المتفرج و حتى واحد ما يعمل عليك مزية … 



سعاد محاسن تعرفت عليها ضمن فرقة الكاف و كنت مخبوط فيها معناها ندهدس في حبها و تلفتني برشا من الأول كانت ما تتلفتليش بالكل نكرة بالنسبة ليها .. نتذكر اول لحظة حكيت معاها و ديما نحكيها و هي زادة ديما تحكيها وتعاودها و قعدت ذكرى من احلى ما يكون .. اول contact ما بيني انا و سعاد في قفصة … 



هي داخلة للركح بالمكياج متاعها في مسرحية حوكي و حرايري.. هي جات داخلة للركح و انا شديتها و قبلتها قبل ما تدخل معناها أول قبلة صارت في المسرح و دخلت للركح و هي مهمشة … بيناتنا حب كبير ما تتصوروش انا و سعاد محاسن قداش نحبو بعضنا حب كبير".




الفيديو :


 

التعليقات

أحدث أقدم