خلال استضافته اليوم في برنامج "مع بيّة" على إذاعة إي أف أم، تحدّث مغني الراب "دي جي كوستا" عن أسباب غيابه عن الساحة الفنية وعن التزامه في أغلب أغانيه كاشفا أن الفن يجب أن يكون ملتزما بقضية ما وقال :"أول غناية سجلتها في 2001 كتبت وغنيت على فلس-طين.. وبعدها عملت صامدون.. الفنون الكل لازم تلتزم بقضية.. وموش بالكلام بركا لازم تعاون على قد ما تقدر".
وانتقد "كوستا" زملائه الذين يغنون عن المخد-رات ويؤثرون على المراهقين :"يكتبو في الغناء على الحرابش والزطلة ويفسدو في الصغار والمراهقين.. أنا ملتزم في القضايا الكل وما نحشمش لكن ما نغنيش على مواضيع كيفهم".
وأضاف: زوز رابورات معروفين مشاو غنوا في إسرائيل.. وخذو 50 ألف دولار وكان نقول شكونهم اتيح عليها الأرواح و الفننين متع تونس الكل ماعدا لطفي بوشناق وصوفية صادق غنوا في"تل ابيب" و فما قائمة عند صحفي باش يخرجها.
وردا على سؤال الكرونيكور نادر شقرون اعتبر كوستا أنه الرابور رقم واحد :"أنا ما عنديش ترتيب مع الرابورات الجدد.. هذوما أولادي والمقاييس موش كيف كيف ما تنجمش تقيس الكيلومتر باللتر.. أنا نتقاس باللتر عسل حر.. أنا رقم واحد في الستيل متاعي في الراب الملتزم.. بسيكو أم كان قريب ليا واعتزل وGuito'n كيف كيف.. أنا كيما ابراهيموفيش مازلت نكور..".
الفيديو :