نشرت الكاتبة التونسية المقيمة بألمانيا فاتن الفازع تدوينة على حسابها حسابها الرسمي "فيسبوك" تحتفي بابنها.
وكتبت الكاتبة التونسية فاتن الفازع فيما يلي :”
” لتوّا نتفكّر رعشات قلبي وانا نستنّى في تاست الحبالة وطلع پوزيتيف ، إسمو كان حاضر في مخّي أرسلان ، على شكيب أرسلان ، أرْسْلان الأسد …
أرسلان ولدي اللي ما يتكلّمش ياسر ، اللي ولى يلبس في ساقيه أكثر مني وولّى تقريب في طولي ، أرسلان هو الشجاعة اللي يهديهالي باش نهبّط تصويرتي معاه بلاش ماكياج خاطرو الأمان وخاطر نحسّو يزيّنني …
بكري وولدي الغالي وممّو عينيّا ، أرسلان اللي بدات قشرتو تتبدّل وانا البارح كنت نقمّط فيه ، ولدي وحبيبي وعشيري الأوّل والاّخّر وصاحبي وسندي …
هو قوّتي ونقطة ضعفي ، هو كلمة ممّا أوّل مرّة ، هو العالم ، هو الدنيا ، هو الصاحب ورفيق الثنيّة ، هو اللي بكيت أوّل مرّة دخّلتو لروضة ما فهمت حتّى حرف بالألمانيّة كي حكات معايا المروّضة وولّى يترجملي بعد بشهرين ، هو الأمان ، هو المرسى ،
هو حبيبي وهو زادا هاك الرّاجل الشّرقي اللي ورث جينات بوه واللي يتغشّش وين لبستي تظهرلو عريانة ههههه وانا نحبّو “
الفيديو: