تحدثت الممثلة كوثر الباردي في برنامج “كبر الاذان” على “إي اف ام” عن أسباب عدم مشاركتها في سلسلة شوفلي حل حيث قالت: "ما نجمتش نشارك في سيتكوم شوفلي حل مع نفس فريق عند عزيز و لوتيل على خاطر عام 2005 حلت قناة حنبعل و سي العربي نصرة ربي يذكرو بالخير عيطلنا انا و سفيان الله يرحمو و زهيرة بن عمار و شوقي بوقلية باش نخدمو معاه بصفة حصرية..
وقتها كان ثما زوز مسلسلات باش يتعملو الي هوما "مال و أحوال" و "صعيدي في المنزه 6"... سفيان ما خدمش و زهيرة كيف كيف و انا وقتها مصححة عقد و نخدم برنامج "كوجينة"..
عامتها حاتم بلحاج و صلاح الدين الصيد عندهم " شوفلي حل" و جليلة بكار عندها " شعبان في رمضان" الي كاتبو صديقي جلال الدين السعدي... و الزوز تعرضو عليا بش نخدم فيهم ....
و انا كي حبيت نخدم فيهم قناة حنبعل قالولي لا مصححة عقد حصري معانا بعام ما تنجمش... و ما نجمتش نخدم مع شوفلي حل حتى مبعد عطاوني دور صغير ما خدمتوش.. لين وفا شوفلي حل و جات" نسيبتي العزيزة" مع سي صلاح الدين الصيد عام 2010 خدمت فيها.. "
الفيديو :