بالفيديو.. مايا القصوري تشطح في حفل حبوبة وتعلق :"كيف يغني فرططوات تطير من جواجيا وتطلع لراسي" - أخبار تونس - بوز نيوز تونس - Buzz News Tunisia | الأخبار من جميع أنحاء العالم | Buzz Tunisia بالفيديو.. مايا القصوري تشطح في حفل حبوبة وتعلق :"كيف يغني فرططوات تطير من جواجيا وتطلع لراسي"

بالفيديو.. مايا القصوري تشطح في حفل حبوبة وتعلق :"كيف يغني فرططوات تطير من جواجيا وتطلع لراسي"


 


نشرت الإعلامية مايا القصوري اليوم الجمعة 29 سبتمبر 2023 مقاطع فيديو توثق فيها أجواء الحفل الساهر الذي أحياه الفنان الشعبي الهادي حبوبة في فضاء اليوكا بقمرت ليلة البارحة، وعلقت على ذلك :"اش باش نقلكم ؟؟؟ حبوبة و كهو …كيف يغني فرططوات تطير من جواجيا و تطلع لراسي و ملي نسمع ضربة الدربوكة الاولى و نغمة المزود و انا نركز في القدم … 





حفلة البارح متع حبوبة في اليوكا بش تقعد تاريخ ، مش بالانضباط والمهنية و احترام جمهوره متع حبوبة الي هوما مش حاجة جديدة عليه ، اما بهكا الموجات التسونامية الي شطحت ناس فوق الستين و ناس في العشرين و كلهم بصوت واحد " حبوبة بالصوت يغني " وحافظين مقاطع " ناري على الزينة يما " الي حبيت نسجلها اما تلهيت نشطح ..".





وأضافت مايا القصوري :"حبوبة درابو من درابوات تونس و جزء من مخيالنا الجمعي الي يخليك حتى كيف تبدى ساعات مغشش على تونس ، انت تسمع "ليلة و المزود خدام" و انت تتفكر خصايلها هالبلاد و بنتها … البارح فما برشا ايموسيون في الحفلة.. و برشا شبوبية و برشا شيخة و برشا تونس … محلاك يا حبوبة ".




الفيديو :


التعليقات

أحدث أقدم
close