بالفيديو: مايا القصوري تكشف :"البارح حبوبة شيخّني… وضربة الدربوكة تطلع لراسي ولجواجيا" - أخبار تونس - بوز نيوز تونس - Buzz News Tunisia | الأخبار من جميع أنحاء العالم | Buzz Tunisia بالفيديو: مايا القصوري تكشف :"البارح حبوبة شيخّني… وضربة الدربوكة تطلع لراسي ولجواجيا"

بالفيديو: مايا القصوري تكشف :"البارح حبوبة شيخّني… وضربة الدربوكة تطلع لراسي ولجواجيا"


 


كتبت الاستاذة مايا القصوري تدوينة على صفحتها الرسمية على الانستغرام ناقلة فيها سهرة امنّها قيدوم الاغنية الشعبية الفنان الكبير الهادي حبوبة قالت فيها في ما يلي:”




اش باش نقلكم ؟؟؟ حبوبة و كهو …كيف يغني فرططوات تطير من جواجيا و تطلع لراسي و ملي نسمع ضربة الدربوكة الاولى و نغمة المزود و انا نركز في القدم … 



حفلة البارح متع حبوبة في اليوكا بش تقعد تاريخ ، مش بالانضباط والمهنية و احترام جمهوره متع حبوبة الي هوما مش حاجة جديدة عليه ، اما بهكا الموجات التسونامية الي شطحت ناس فوق الستين و ناس في العشرين و كلهم بصوت واحد ” حبوبة بالصوت يغني ” و حافظين مقاطع ” ناري على الزينة يما ” الي حبيت نسجلها اما تلهيت نشطح 😅 .. 




حبوبة درابو من درابوات تونس و جزء من مخيالنا الجمعي الي يخليك حتى كيف تبدى ساعات مغشش على تونس ، انت تسمع “ليلة و المزود خدام” و انت تتفكر خصايلها هالبلاد و بنتها … 


البارح فما برشا ايموسيون في الحفلة.. و برشا شبوبية و برشا شيخة و برشا تونس ❤️… محلاك يا حبوبة ❤️





الفيديو:

التعليقات

أحدث أقدم