تحدثت الممثلة التونسية سميرة مقرون خلال استضافتها في برنامج "O'Star" على إذاعة ديوان أف أم عن رغبتها في المشاركة في المسلسلات التونسية نافية الخبر الذي يتم تداوله بخصوص مشاركتها في الجزء الثاني من مسلسل الفلوجة
وقالت :"أنا عندي زوز مشاريع في مصر إن شاء الله ، عندي عمل مع منصة شاهد وعندي مسلسل لرمضان باش يكون شعبي شويا ... لا ماعنديش فلوجة ، نسمع فيها المعلومة إلي أنا في فلوجة ولكن مانيش فيه .. أنا نعرف إلي فما أخذ ورد ولكن ما فما حتى شي لم يقع الاتصال".
وأضافت سميرة مقرون أنها تحبّذ الأعمال التونسية على العربية لأن فيها نكهة خاصة حسب قولها :" أنا نموت على حاجة اسمها خدمة في تونس ...
أنا ماذابيا نكون في عمل تونسي باهي وناجح طبعا .. الغياب إلي غبتو هو الفترة إلي كنت أكثر في مصر ودبي أما ديما نقول إلي نخدموه في تونس عندو un autre charme خاطر نطلعو نهبطو أحنا ممثلين توانسة وماذابينا نخدموا بلادنا وحتى بعد 20 سنة كي نحب نتفرج في اعمالي نتفرج في تونس مع احترامي لكل البلدان العربية ومشاركاتنا في اعمالهم ، نتمناو يكثر الإنتاج في تونس باش معادش حتى واحد منا يمشي يخدم لبرا...".
مضيفة :" أنا نحب نخدم في تونس انساولي الفلوس والشهرة والعالم العربي ، هذي بلادنا ونحب نتكلم بلهجتي ولليوم نتفرجوا في المسلسلات القدم والنوستالجي متاع مصاب نعملو حاجة هكا .. إن شاء الله يكثر الإنتاج وأحنا ماصاب نتلمو لأنو أحنا جماعة الدومان مفرتين وdes clans وغيرو".
الفيديو :