بعد الجدل الذي أثاره الفلكي محسن العيفة إثر حضوره في برنامج Jdt على قناة الحوار التونسي والانتقادات التي طالته، تفاجأ متابعو برنامج "ضيفنا على كيفنا" على قناة تونسنا بحضور عرافة أو "حكيمة روحانية" كما أطلقت عليها مقدمة البرنامج ميساء باديس.
وقد تحدثت موجهة كلامها للمنشطة :"عندك نجاح وتوفيق في الخدمة لكن عندك مشاكل مع النساء.. فما وحدة تخدم معاك في نفس القناة تحفرلك وتغير منك لكن ماهيش باش توصل لحتى شي.. مازلت باش تنجح وتتقدم.. انت تكافح على خدمتك.. انت تعاني من الغيرة.. انت حزينة ومريضة وتبكي على فلوس ضاعتلك والا عرض جاك وضيعتو.. ونادمة عليه برشا".
وأضافت :"أنا نراها ماهيش فرصة هذه مؤامرة.. فما منشطة معروفة كيفك تحب تاخو بلاصتك وتتمنى بلاصتك وهي مشهورة برشا ومعاها شكون يعاون فيها وقاعدين يتآمروا عليك.. رد بالك من النساء وغيرتهم".
وأثار ذلك انتقادات التونسيين على صفحات مواقع التواصل الاجتماعي، وعلقوا على الفيديو المتداول :"توا هذه تلفزة في تونس يا ربي توا دوروها شعوذة".
الفيديو :